ភ្នំពេញ ៖ ព្រះរាជពិធីច្រត់ព្រះនង្គ័ល ឆ្នាំ២០២៦ ត្រូវបានគណកម្មាធិការជាតិរៀបចំបុណ្យជាតិ-អន្តរជាតិគ្រោងនឹងរៀបចំឡើងនៅខេត្តព្រៃវែង ក្រោមព្រះរាជាធិបតីភាពរបស់ព្រះមហាក្សត្រដូចរាល់ឆ្នាំ ។
ព្រះរាជពិធីនេះ ប្លែកបន្តិចដោយត្រូវរៀបចំមានរយៈពេលដល់ទៅ៤ថ្ងៃ ដោយចាប់ផ្តើមតាំងពីថ្ងៃទី២ រហូតដល់ថ្ងៃពិធីធំ គឺថ្ងៃទី៥ ខែឧសភា ឆ្នាំ២០២៦ ។
កាលពីឆ្នាំ២០២៥កន្លងទៅ ព្រះរាជពិធីនេះត្រូវបានរៀបចំឡើងនៅក្នុងខេត្តកំពង់ឆ្នាំង ដោយមានលោក ស៊ុន សុវណ្ណារិទ្ធ អភិបាលខេត្តកំពង់ឆ្នាំងជាស្តេចមាឃ និងលោកស្រី ផាត សុផានី ជាព្រះមេហួរ ។
លទ្ធផលនៃការផ្សងនៅឆ្នាំនោះ ក្រោយពេលគណកម្មការរៀបចំអាហារ៧មុខ រួមមានៈ ស្រូវ សណ្តែក ពោត ល្ង ស្មៅ ទឹក និងស្រាទៅ គោឧសភរាជបរិភោគ ស្រូវ៩៥ភាគរយ ពោត ៩៥ភាគរយ និងសណ្តែក៨០ភាគរយ៕
ប្រភព ៖ SRN