ខេត្តស្វាយរៀង ៖ បុគ្គលម្ចាស់កាស៊ីណូមួយកន្លែងដែលមានស្លាកយីហោ ស៊ីភីស៊ី(CPC) បើកអោយពលរដ្ឋខ្មែរនិងជនជាតិវៀតណាមខ្លះមានប៉ាស្ព័រខ្លះទៀតមិនមានប៉ាស្ព័រឆ្លងដែនចេញចូលលេងស៊ីសងខុសច្បាប់យ៉ាងគគ្រឹក គគ្រេង អាជ្ញាធរនិងសមត្ថកិច្ចមូលដ្ឋានមិនទាន់ចាត់វិធានការបង្ក្រាបនោះទេនាំគ្នារក្សាភាពស្ងៀមស្ងាត់ ។
ជារៀងរាល់ថ្ងៃប្រភពពីប្រជាពលរដ្ឋរស់នៅក្នុងភូមិចេក ឃុំសំរោង ស្រុកចន្រ្ទា ខេត្តស្វាយរៀង បានឲ្យដឹងថា កាស៊ីណូ មួយកន្លែង ដែលមានស្លាកយីហោស៊ីភីស៊ី(CPC) កំពុងបើកឲ្យពលរដ្ឋខ្មែរនិងជនជាតិវៀតណាមឆ្លងដែនខ្លះមានប៉ាស្ព័រខ្លះទៀតមិនមានប៉ាស្ព័រចេញចូលលេងល្បែងដោយសេរីចាក់ភ្នាល់ដាក់លុយសុីសងខុសច្បាប់ ជល់មាន់ បៀរ អាប៉ោង យូគីយ៉ាងគគ្រឹកគគ្រេង អាជ្ញាធរនិងសមត្ថកិច្ចមូលដ្ឋានស្រុក.ខេត្ត.មិនហ៊ានធ្វើការទប់ស្កាត់និងបង្ក្រាបនោះទេ បែជានាំគ្នាបំភ្លេចគោលនយោបាយ ភូមិ ឃុំ សង្កាត់ មានសុវត្ថិភាព៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ។
ពលរដ្ឋបន្តថា អាជ្ញាធរថ្នាក់ឃុំ និងសមត្ថកិច្ចថ្នាក់ស្រុក មិនគួរបណ្តែតបណ្តោយឲ្យបុគ្គលជាម្ចាស់ កាសុីណូ មួយកន្លែង ដែលមានស្លាកយីហោ ស៊ីភីស៊ី(CPC) បើកអោយក្រុមញៀនល្បែងពលរដ្ឋខ្មែរនិងជនជាតិវៀតណាមឆ្លងដែនចេញចូលលេងល្បែងគឺជល់មាន់ បៀរ អាប៉ោង និងល្បែងផ្សេងៗជាច្រើនប្រភេទទៀតយ៉ាងគគ្រឹក គគ្រេងធ្វើអោយពលរដ្ឋដែលរស់នៅក្បែរទីតាំងនោះមានការព្រួយបារម្ភភ័យខ្លាចបញ្ហាអសន្តិសុខ សង្គម និងអំពើចោរកម្ម ចោរលួច ចោរឆក់ ចោរប្លន់ ចោរគាស់ផ្ទះប្រើអំពេីហឹង្សាគ្រួសារគ្រឿងញៀនជាដើមចមចេញពីល្បែងសុីសងនេះឯង។
ទាក់ទងនឹងករណីខាងលើនេះដែរអង្គភាពសារពត៌មានយើងបានព្យាយាមខលតាមលេខទូរសព្ទទៅ លោក សុក ម៉ក នាយប៉ុស្ដិ៍នគរបាលច្រកទ្វារព្រំដែនទ្វេភាគីសំរោង ចូលដែលតែគ្មានអ្នកទទូល។
ចំណែក លោកអធិការស្រុកចន្រ្ទា បានប្រាប់ថា កាស៊ីណូដែលនៅជាប់ព្រំដែន បើមានពលរដ្ឋខ្មែរចូលលេង នឹងឲ្យខាងប៉ុស្តិ៍នគរបាលចុះទៅមើល ហើយជាគោលការណ៍ គណៈបញ្ជាការឯកភាពខេត្ត អនុញ្ញាតអោយតែជនបរទេសចូលលេងក្នុងកាស៊ីណូ គឺហាមមិនឲ្យពលរដ្ឋខ្មែរចូលលេងក្នុងកាស៊ីណូនោះទេ។
ហេតុនេះហើយលោក ពេជ្រ វិរះ ស្នងការដ្ឋាននគរបាលខេត្តស្វាយរៀង មិនគួរមើលរំលងភាពអសកម្មរបស់លោក សុក ម៉ក នាយប៉ុស្ដិ៍នគរបាលច្រកទ្វារព្រំដែនទ្វេភាគីសំរោង ដែលបណ្តោយឲ្យម្ចាស់កាសុីណូ ស៊ីភីស៊ី(CPC) បើកអោយពលរដ្ឋខ្មែរនិងជនជាតិវៀណាម ឆ្លងដែនខ្លះមានប៉ាស្ព័រខ្លះទៀតមិនមានប៉ាស្ព័រចេញចូលលេងល្បែងជល់មាន់ទ្រង់ទ្រាយធំ នៅក្នុងកាសុីណូ ក្នុងមូលដ្ឋានរបស់ខ្លួនគ្រប់គ្រងមិនព្រមទប់ស្កាត់។
ប្រជាពលរដ្ឋរស់នៅ ភូមិចេក ឃុំសំរោង ស្រុកចន្រ្ទា សូមអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេសឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនិងលោកនាយឧត្តមសេនីយ៍ ស ថេត អគ្គស្នងការនគរបាលជាតិ មេត្តាចាត់កម្លាំងមន្ត្រីជំនាញក្រោមឱវាទចុះពិនិត្យស្រាវជ្រាវម្ចាស់កាសុីណូមួយកន្លែងដែលទល់មុខប៉ុស្ដិ៍នគរបាលច្រកទ្វារព្រំដែនទ្វេភាគីសំរោង ដែលហ៊ានបើកអោយពលរដ្ឋខ្មែរ និងជនជាតិវៀតណាមឆ្លងដែនខ្លះមានប៉ាស្ព័រ ខ្លះទៀតមិនមានប៉ាស្ព័ចេញចូលលេងល្បែងសុីសងយ៉ាងគគ្រឹក គគ្រេងនៅក្នុងភូមិសាស្ត្រខាងលើទប់ស្កាត់និងបង្ក្រាប អោយមានប្រសិទ្ធភាព ដើម្បីពង្រឹងសន្តិសុខសណ្ដាប់ធ្នាប់ជូនពលរដ្ឋមូលដ្ឋាន ។
ចំពោះករណីនេះដែរ អង្គភាពសារព័ត៌មានគេហទំព័រខ្មែរឯករាជ្យ បានព្យាយាមទាក់ទងទៅលោក សុក ម៉ក នាយប៉ុស្ដិ៍នគរបាលច្រកទ្វារព្រំដែនទ្វេភាគីសំរោង តាមរយៈទូរសព្ទដៃតែតេទៅមិនមានអ្នកលើក ប៉ុន្តែអង្គភាពយើងខ្ញុំនៅតែរងចាំការបំភ្លឺជំវិញព័ត៌មាននេះ។
ហើយចំពោះលោក ពេជ្រ វិរះ ស្នងការដ្ឋាននគរបាលខេត្តស្វាយរៀងក៏អង្គភាពយើងខ្ញុំបានព្យាយាមទាក់ទងដើម្បីសុំការសម្ភាសន៍ពាក់ព័ន្ធនិងករណីនេះដែរ តែការទាក់ទងមិនចូល៕
អត្ថបទ ៖ នាគខ្មៅ