សមាជិកថ្នាក់ដឹកនាំអតីតអ្នកគាំទ្របក្សប្រឆាំង២គ្រួសារ រស់នៅសង្កាត់ស្វាយប៉ានិងសង្កាត់ព្រែកព្នៅ សុំចូលរួមរស់ជីវភាពនយោបាយជាមួយគណបក្សប្រជាជនកម្ពុជា

(ព្រះវិហារ)៖ សមាជិកថ្នាក់ដឹកនាំអតីតគណបក្សប្រឆាំងចំនួនពីរគ្រួសារ ដែលរស់នៅភូមិ ឡកំបោ សង្កាត់ស្វាយប៉ាក់ ខណ្ឌឬស្សីកែវ ចំនួន ១គ្រួសារ និងនៅភូមិឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញចំនួន ១ គ្រួសារ សុំចូលរួមរស់ជីវភាពនយោបាយជាមួយគណបក្សប្រជាជនកម្ពុជា (CPP) នៅព្រឹកថ្ងៃទី២៣ ខែឧសភា ឆ្នាំ២០២៦នេះ ក្រោមការសម្រួលដោយក្រុមការងារគណៈកម្មាធិការសាខាគណបក្ស ភព ១៣ និងទទួលអំណោយរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា។

សមាជិកថ្នាក់ដឹកនាំអតីតគណបក្សប្រឆាំងចំនួនពីរគ្រួសារនោះរួមមាន៖ ១. លោក ម៉ម ណយ ភេទប្រុស អតីតមកពីគណបក្សសង្គ្រោះជាតិ និងលោក ដុល សារឿន អតីតប្រធាននាយកដ្ឋានកិច្ចការងារបោះឆ្នោតគណបក្សខ្មែររួបរួមជាតិ ហើយទទួលបាននាំយកអំណោយដ៏ថ្លៃថ្លា របស់ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និង​សម្តេចធិបតី ហ៊ុន ម៉ាណែត នាយករដ្ឋមន្រ្តី តាមរយះ ឯកឧត្ដម ឃួង ស្រេង ប្រធានគណៈកម្មាធិការគណបក្សរាជធានីភ្នំពេញ ចែកជូនសកម្មជនសមាជិកដែលស្នើសុំចូលរួមជីវភាពជាមួយគណបក្សប្រជាជនកម្ពុជា ចំនួន ២គ្រួសារ ដែលមានជីវភាពខ្វះខាតស្ថិតនៅភូមិ ឡកំបោ សង្កាត់ស្វាយប៉ាក់ ខណ្ឌឬស្សីកែវ ចំនួន ១គ្រួសារ និងនៅភូមិឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញចំនួន ១ គ្រួសារ សរុប ២ គ្រួសារ ក្នុងមួយគ្រួសារ ទទួលបានរួមមាន៖

១-អង្គរ ចំនួន ២៥ គីឡូក្រាម
២-មីចំនួន ១កេស
៣-ទឹកសុទ្ធចំនួន ១កេស
៤-ទឹកត្រី ១យួរ
៥-ទឹកស៊ីអ៊ីវ ១យួរ
ថវិការចំនួន ៤ម៉ឺនរៀល

ក្នុងនោះដែលសមាជិកដែលមានជីវភាព ខ្វះខាតទាំង ២ គ្រួសារ បានថ្លែងអំណរគុណ ដល់សម្តេចតេជោ សម្តេចធីបតី និង ឯកឧត្តម ឃួង ស្រេង ដែលតែងតែយកចិត្តទុកដាក់ ដល់ប្រជាពលរដ្ឋខ្វះខាត់។

ជាចុងក្រោយលោកគោរព ជូនពរ សម្តេចទាំងទ្វេរ និង ឯកឧត្ដម ឃួង ស្រេង ព្រមទាំងក្រុមគ្រួសារ ជួបតែសេចក្តីសុខ សុខភាពល្អ កំលាំងមាំមួន ប្រាជ្ញវៀងវៃ ដើម្បីបន្តការដឹងនាំប្រទេសជាតិ ឱ្យមានសុខសន្តិភាព និងការអភិវឌ្ឍរីកចម្រើនគ្រប់វិស័យុ៕

សម្រួលអត្ថបទ ៖ ជួន ឌីណា

រូបភាព ៖ នី ចន្ថា