ឯកឧត្តម ថោង សុខាំភូ អនុប្រធានសមាគម និងជាអគ្គលេខាធិការសមាគមរាជសីហ៍ សមាគមរាជសីហ៍ អញ្ជើញជាងធិបតីប្រកាសតែងតាំងសមាសភាពប្រធាន អនុប្រធាន និងសមាជិកយុវជនរាជសីហ៍

ភ្នំពេញ ៖ ដោយទទួលបានការអនុញ្ញាតពីឯកឧត្ដម​ ស៊ូម​ សារឿន​ ប្រធានសមាគមរាជសីហ៍ ឯកឧត្ដម ថោង សុខាំភូ អនុប្រធានសមាគម និងជាអគ្គលេខាធិការសមាគមរាជសីហ៍ នាថ្ងៃទី០៣ ខែឧសភា ឆ្នាំ២០២៦នៅទីស្នាក់ការសមាគមរាជសីហ៍ បានអញ្ជេីញជាធិបតីក្នុងពិធីប្រកាសតែងតាំងសមាសភាពប្រធាន អនុប្រធាន និងសមាជិកយុវជនរាជសីហ៍​ ដោយផ្ទាល់​ និងតាមរយៈវីដេអូពីចម្ងាយ (zoom)។

ពិធីនេះមានការចូលរួមពីលោក ឆាយ សុភ័ក្តិ អនុប្រធានសមាគមរាជសីហ៍ ទទួលបន្ទុកការងារយុវជន លោក​ សម្បត្តិ វិសាល អគ្គលេខាធិការរងសមាគម​ ទទួលបន្ទុកការងារយុវជន និងយុវជនសមាគមរាជសីហ៍ថ្នាក់កណ្តាល។

ជាមួយនឹងការប្រកាសតែងតាំងសមាសភាពប្រធាន អនុប្រធាន និងសមាជិកយុវជនសមាគមរាជសីហ៍ ឯកឧត្ដមអនុប្រធានសមាគម ក៏បាននាំនូវការផ្តាំផ្ញេីពីសំណាក់ឯកឧត្តមប្រធានសមាគមរាជសីហ៍ ចំពោះការសិក្សា និងសុខទុក្ខក្នុងការរស់នៅរបស់ប្អូនៗនៅរាជធានីភ្នំពេញ។

ជាចុងបញ្ចប់ ឯកឧត្ដមអនុប្រធានសមាគមរាជសីហ៍ សូមជូនពរប្អូនៗដែលទេីបទទួលបានសេចក្តីសម្រេចតែងតាំង និងយុវជនទាំងអស់ សូមទទួលបានសុខភាពល្អ ជោគជ័យក្នុងការបំពេញការងារ និងសិក្សា ព្រមទាំងទទួលនូវពុទ្ធពរទាំងបួនប្រការ គឺ អាយុ វណ្ណ: សុខ: ពល: កុំបីឃ្លៀងឃ្លាតឡេីយ៕

កែសម្រួលអត្ថបទ ៖ មុន្នី

រូបភាព​៖ ក្រុមការងារ