សមាគមរាជសីហ៍សាខាខេត្តបាត់ដំបង ចូលរួមសហការជាមួយអាជ្ញាធរមូលដ្ឋាន ចុះជួយសម្រួលសណ្តាប់ធ្នាប់ជូនប្រជាពលរដ្ឋ ដែលអញ្ជើញមកថតអត្តសញ្ញាណប័ណ្ណ

បាត់ដំបង ៖ នាព្រឹកថ្ងៃទី០៤ ខែមេសា ឆ្នាំ២០២៦ លោក ម៉ូត សុគីរីន អនុប្រធានសមាគមរាជសីហ៍សាខាខេត្តបាត់ដំបង អមដំណើរដោយថ្នាក់ដឹកនាំ និងសហការី តំណាងលោក ជា សាវុធ ប្រធានសាខាខេត្តបាត់ដំបង បានចូលរួមសហការជាមួយអាជ្ញាធរមូលដ្ឋាន ចុះជួយសម្រួលសណ្តាប់ធ្នាប់ជូនប្រជាពលរដ្ឋ ដែលអញ្ជើញមកថតអត្តសញ្ញាណប័ណ្ណថ្មី ឬជិតផុតសុពលភាព និងផុតសុពលភាព ដែលបានរៀបចំឡើងដោយមន្រ្ដីការិយាល័យ អត្តសញ្ញាណប័ណ្ណសញ្ជាតិខ្មែរ នៃស្នងការដ្ឋាននគរបាលខេត្តបាត់ដំបង នៅទីស្នាក់ការភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង។

ជាលទ្ធផលក្រុមការងារចុះផ្តល់អត្តសញ្ញាណប័ណ្ណសញ្ជាតិខ្មែរចល័ត បានចុះបំពេញបែបបទអត្តសញ្ញាណប័ណ្ណសញ្ជាតិខ្មែរ ជូនដល់ប្រជាពលរដ្ឋ នៅទីស្នាក់ការភូមិវត្តលៀប បានចំនួនសរុប៧៥នាក់/ស្រីចំនួន៥៣នាក់។

-ផ្តល់ថ្មី ចំនួន១០នាក់/ស្រីចំនួន០៦នាក់

-ទុតិយតា ចំនួន៦៥នាក់/ស្រីចំនួន៤៧នាក់។

ក្នុងឱកាសនោះសមាគមរាជសីហ៍សាខាខេត្តបាត់ដំបង បានឧបត្ថម្ភទឹកបរិសុទ្ធ ចែកជូនដល់ប្រជាពលរដ្ឋដែលអញ្ជើញមកថតអត្តសញ្ញាណប័ណ្ណផងដែរ៕