កណ្ដាលភូមិតែម្ដង! ម៉ាស៊ីនបូមរ៉ែមាសជាច្រើនគ្រឿង ប្រជាពលរដ្ឋឆ្ងល់ថា មិនឃើញមានមន្ត្រីជំនាញ អនុវត្តច្បាប់សោះ?

ភ្នំពេញ ៖ នៅតំបន់ជិតផ្ទះប្រជាពលរដ្ឋជាង១០០ ខ្នង ក្នុងភូមិរវាងជ័យ ឃុំស្វាយជ្រះ ខេត្តក្រចេះ មានម៉ាស៊ីនបូមរ៉ែមាសជាច្រើនគ្រឿងកំពុងដំណើរការដោយខុសច្បាប់។

តាមប្រភពព័ត៌មាន ម្ចាស់ទីតាំងសិប្បកម្មរ៉ែមាសខុសច្បាប់ទាំងនេះ ធ្លាប់ត្រូវបានអាជ្ញាធរធ្វើកិច្ចសន្យាម្ដងរួចហើយ ប៉ុន្តែឥឡូវសកម្មភាពនៅតែបន្តដដែល នេះជាមូលហេតុដែលពលរដ្ឋឆ្ងល់គ្រប់គ្នា។

អ្នកភូមិបារម្ភពីផលប៉ះពាល់ដី ទឹក និងសុវត្ថិភាពរស់នៅ ខណៈមិនទាន់ដឹងច្បាស់ថា សកម្មភាពនេះស្របច្បាប់ឬយ៉ាងណា

តើអាជ្ញាធរពាក់ព័ន្ធនឹងចេញមុខបកស្រាយដែរឬទេ? ដើម្បីបង្កើនគុណភាពនិងការពង្រឹងច្បាប់ អាជ្ញាធរគួរតែត្រួតពិនិត្យ ស្រាវជ្រាវករណីនេះឲ្យបានច្បាស់លាស់!

អត្ថបទ ៖ តារា វុធ